ބ. ތުޅާދޫ

 ތުޅާދޫއަކ،ީ އިސްލާމްދީނާއި ދިވެހިރާއްޖޭގެ ޤާނޫނާއި ޤަވާއިދަށް ހުރުމަތްތެރިކޮށްހިތާ، ޒަމާނީ ތަޢުލީމަށް އަހުލުވެރ،ި ޞިއްޙީގޮތުން ދުޅަހެޔޮ، އުމްރާނީގޮތުންނާއި އިޤްތިޞާދީގޮތުން ފުދުންތެރ،ި އިޖްތިމާޢީ ގުޅުންތަކަށް އިޙްތިރާމްކުރާ، ތިމާ ވެށްޓަށް އަހުރަވެތ،ި ޒަމާނުގެ ތަރައްޤީއަށް ލޯހުޅުވ،ި ހަމަހަމަ ފުރުޞަތުތަކެއް ލިބިގެންވާ އެކުވެރި ރައްޔިތެއް ދިރިއުޅޭ ރަށަކަށް ވުމެވެ.

 ރަށުގެ ތަރައްޤީއާއި އިޤްތިޞާދީ ދުވެލި ކުރިއެރުވުމަށްޓަކައި ރައްޔިތުން ކުރަންއެދޭ ކަންތައްތަކަކީ ކޮބައިތޯ ބެލުމާއި، މި ކަންތައްތައް ރައްޔިތުން ތަރުތީބުކުރާ މިންގަނޑުތައް ދެނެގަތުމާއި، ފާއިތުވެދިޔަ ތަނުގައި ތަރައްޤީއަށް ކުރެވިފައިވާ މަސައްކަތްތަކުގެ މަޢުލޫމާތު އެކުލަވާލުމާއި، މަސައްކަތްތައް ކާމިޔާބުވެފައިވާ މިންވަރު ދެނެގަތުމާއި، މީހުންގެ ހޭލުންތެރިކަމަށާއި، ދިރިއުޅުމުގެ ފެންވަރަށް އައި ކުރިއެރުމާއި ބަދަލުތައް ވަޒަންކުރުމާއި، ދެމެހެއްޓެނިވި ތަރައްޤީއަށް މަގުފަހިކުރުމުގެ ގޮތުން ކުރަން ބޭނުންވާ ސްޓްރެޖީތައް އެކުލަވާލުމެވެ. އަދި ކަނޑައަޅާ ކަންތައްތައް ރާވާހިންގުމަށް ފައިސާ ހޯދާނެގޮތްތަކާއި ކުރިއަށް ރާވާ ކަންތައްތަކުން ރައްޔިތުންގެ ދިރިއުޅުމަށް ސީދާގޮތުންނާއި ނުސީދާގޮތުން ކުރާ ފައިދާ ބަލައި ވަޒަންކުރުމާއި، ތަރައްޤީކުރުމަށް ކުރެވޭ މަސައްކަތްތަކުން ރަށުގެ ތިމާވެށްޓަށް ކުރާ ނޭދެވޭ އަސަރުބެލުމާއި، ދިރޭތަކެތީގެ ނަސްލު ހިމާޔަތްކޮށް ރައްކާތެރިކޮށް މީހުންގެ ހޭލުންތެރިކަން އިތުރުކުރުމަށް ބޭނުންވާ ކަންތައްތައް ކުރުމެވެ.